യാത്രക്കാരനെ ചുറ്റിക കൊണ്ട് തലയ്ക്കടിച്ചു; പ്രതി പിടിയിൽ
മെൽബൺ: മെൽബണിലെ വിൻഡം വെയ്‌ലിൽ (Wyndham Vale) വാഹനങ്ങൾ കൂട്ടിയിടിച്ചതിനെ തുടർന്നുണ്ടായ തർക്കത്തിനിടെ യാത്രക്കാരനെ ചുറ്റിക കൊണ്ട് ആക്രമിച്ച സംഭവത്തിൽ 36-കാരനെ പോലീസ് അറസ്റ്റ് ചെയ്തു. വെറിബി (Werribee) സ്വദേശിയായ യുവാവിനെതിരെയാണ് പോലീസ് കേസെടുത്തത്.
വ്യാഴാഴ്ച രാത്രി 8.45-ഓടെ മക്ഗ്രാത്ത് റോഡിലായിരുന്നു (McGrath Road) സംഭവം. അക്രമത്തിൽ 53-കാരനായ മധ്യവയസ്കന് ഗുരുതരമായി പരിക്കേറ്റു. ശരീരത്തിന്റെ മുകൾഭാഗത്ത് പരിക്കേറ്റ ഇദ്ദേഹം നിലവിൽ ആശുപത്രിയിൽ ചികിത്സയിലാണ്.
അക്രമത്തിന് ശേഷം ഓടി രക്ഷപ്പെട്ട പ്രതിയെ പോലീസ് പിന്നീട് പിടികൂടി. ആയുധം ഉപയോഗിച്ചുള്ള ആക്രമണം, മനപ്പൂർവ്വം പരിക്കേൽപ്പിക്കൽ തുടങ്ങിയ ഗുരുതരമായ കുറ്റങ്ങളാണ് ഇയാൾക്കെതിരെ ചുമത്തിയിരിക്കുന്നത്.
പ്രതിയെ ഏപ്രിൽ 2-ന് കോടതിയിൽ ഹാജരാകാൻ ജാമ്യത്തിൽ വിട്ടു.
