പെർത്ത് ഹിൽസിലെ കാട്ടുതീ: ‘വാച്ച് ആൻഡ് ആക്റ്റ്’ മുന്നറിയിപ്പ് തുടരുന്നു
പെർത്ത്: കിഴക്കൻ പെർത്തിലെ മുണ്ടറിംഗ് ഷയറിൽ (Shire of Mundaring) പടർന്നുപിടിച്ച കാട്ടുതീയുടെ അപായ സൂചന ‘എമർജൻസി വാണിംഗ്’ (Emergency Warning) തലത്തിൽ നിന്നും ‘വാച്ച് ആൻഡ് ആക്റ്റ്’ (Watch and Act) ആയി കുറച്ചു. എന്നാൽ ഭീഷണി പൂർണ്ണമായും ഒഴിഞ്ഞിട്ടില്ലെന്നും ജനങ്ങൾ ജാഗ്രത പാലിക്കണമെന്നും അഗ്നിശമന സേന (DFES) മുന്നറിയിപ്പ് നൽകുന്നു.
ബോയ (Boya), ഡാർലിംഗ്ടൺ (Darlington), ഗ്രീൻമൗണ്ട് (Greenmount), ഹെലേന വാലി, ഹോവിയ (Hovea) തുടങ്ങിയ പ്രദേശങ്ങളിലെ ഗ്രേറ്റ് ഈസ്റ്റേൺ ഹൈവേ, കൗൾസ്റ്റൺ റോഡ്, ക്ലേയ്ട്ടൺ റോഡ് എന്നിവയുടെ പരിസരത്തുള്ളവർക്കാണ് ജാഗ്രതാ നിർദ്ദേശം.
തീ നിയന്ത്രണവിധേയമായിട്ടില്ല. കാലാവസ്ഥാ മാറ്റങ്ങൾക്കനുസരിച്ച് തീ പടരാനുള്ള സാധ്യതയുള്ളതിനാൽ ജനങ്ങൾ എമർജൻസി അലേർട്ടുകൾ (Emergency WA) ശ്രദ്ധിക്കണം.
പ്രദേശവാസികൾ വീടുകളിലും പരിസരത്തും ജാഗ്രതയോടെ ഇരിക്കണമെന്നും അടിയന്തിര സാഹചര്യമുണ്ടായാൽ മാറാൻ തയ്യാറായിരിക്കണമെന്നും നിർദ്ദേശമുണ്ട്.
(Source: The West Australian, DFES)
