ക്രിസ്മസ് തിരക്കിൽ ടിക്കറ്റ് നോക്കാൻ മറന്നു; വീട്ടമ്മയെ തേടിയെത്തിയത് 20 മില്യൺ ഡോളറിന്റെ ഭാഗ്യം
അഡ്ലെയ്ഡ്: ക്രിസ്മസ് ദിനത്തിലെ പവർബോൾ (Powerball) നറുക്കെടുപ്പിൽ 20 മില്യൺ ഡോളർ (ഏകദേശം 160 കോടിയിലധികം രൂപ) സമ്മാനം നേടി അഡ്ലെയ്ഡിലെ ഹാക്കാം (Hackham) സ്വദേശിയായ വിരമിച്ച വീട്ടമ്മ.
ക്രിസ്മസ് ആഘോഷങ്ങളുടെ തിരക്കിലായതിനാൽ ഒരാഴ്ചയോളം പേഴ്സിൽ വെച്ചിരുന്ന ടിക്കറ്റ്, വെള്ളിയാഴ്ച രാവിലെ പരിശോധിച്ചപ്പോഴാണ് താനാണ് ആ കോടീശ്വരി എന്ന് ഇവർ തിരിച്ചറിഞ്ഞത്.
നൊർലുങ്കയിലെ കൊളോണേഡ്സ് ലോട്ടോ കിയോസ്കിൽ (Colonnades Lotto Kiosk) നിന്നാണ് ഇവർ ടിക്കറ്റ് എടുത്തത്. ഡിസംബർ 25-ന് നടന്ന നറുക്കെടുപ്പിലെ 7, 23, 29, 20, 11, 16, 17 എന്നീ നമ്പറുകൾക്കാണ് സമ്മാനം ലഭിച്ചത് (പവർബോൾ നമ്പർ: 17).
കൈകൾ വിറയ്ക്കുന്നുവെന്നും വിശ്വസിക്കാൻ കഴിയുന്നില്ലെന്നുമാണ് സമ്മാനവിവരം അറിഞ്ഞപ്പോൾ അവർ പ്രതികരിച്ചത്. ലഭിച്ച തുക കുടുംബത്തിന് വേണ്ടിയും, തനിക്ക് താല്പര്യമുള്ള ജീവകാരുണ്യ പ്രവർത്തനങ്ങൾക്കായും വിനിയോഗിക്കുമെന്ന് അവർ 7 ന്യൂസിനോട് പറഞ്ഞു.
പുതുവർഷത്തോട് അനുബന്ധിച്ച് മറ്റ് നിരവധി ഓസ്‌ട്രേലിയക്കാർക്കും (വിക്ടോറിയ, ന്യൂ സൗത്ത് വെയിൽസ്, ക്വീൻസ്‌ലാൻഡ് എന്നിവിടങ്ങളിൽ) ലോട്ടറിയിൽ വലിയ തുകകൾ സമ്മാനമായി ലഭിച്ചതായും റിപ്പോർട്ടുകളുണ്ട്.
