ക്രിസ്മസ് – ന്യൂ ഇയർ ഷോപ്പിംഗ്: ഓസ്‌ട്രേലിയയിലെ കടകളുടെ പ്രവർത്തന സമയം അറിയാം
ക്രിസ്മസ്, ന്യൂ ഇയർ ആഘോഷങ്ങൾക്കായി അവസാന നിമിഷം ഷോപ്പിംഗിന് ഇറങ്ങുന്നവർക്കായി പ്രധാനപ്പെട്ട സ്റ്റോറുകളുടെ പ്രവർത്തന സമയം താഴെ നൽകുന്നു:
-
ക്രിസ്മസ് ഈവ് (ഡിസംബർ 24): കോൾസ്, വൂൾവർത്ത്സ് എന്നിവയും, സമയക്രമത്തിൽ മാറ്റങ്ങളോടെ ആൽഡി സ്റ്റോറുകളും പ്രവർത്തിക്കും. ബണ്ണിംഗ്സ്, വെസ്റ്റ്ഫീൽഡ് (വൈകിട്ട് 5-6 വരെ മാത്രം), കെ-മാർട്ട്, ടാർഗെറ്റ്, ബിഗ് ഡബ്ല്യു, മദ്യശാലകൾ (BWS, Dan Murphy’s) എന്നിവയും തുറന്നുപ്രവർത്തിക്കും. കൃത്യമായ സമയം അറിയാൻ ലോക്കൽ സ്റ്റോറുകൾ പരിശോധിക്കുക.
-
ക്രിസ്മസ് ദിനം (ഡിസംബർ 25): കോൾസ്, വൂൾവർത്ത്സ്, ആൽഡി എന്നിവ അവധിയായിരിക്കും. വിക്ടോറിയയിലും ടാസ്മാനിയയിലും ചില മദ്യശാലകൾ പ്രവർത്തിച്ചേക്കാം. പെട്രോൾ പമ്പുകൾ, കൺവീനിയൻസ് സ്റ്റോറുകൾ, മക്ഡൊണാൾഡ്സ്, കെഎഫ്സി തുടങ്ങിയ ഫാസ്റ്റ് ഫുഡ് ഔട്ട്‌ലെറ്റുകൾ എന്നിവ ഭാഗികമായി പ്രവർത്തിക്കും.
-
ബോക്സിംഗ് ഡേ (ഡിസംബർ 26): കോൾസ് (സൗത്ത് ഓസ്‌ട്രേലിയ മെട്രോ ഒഴികെ), വൂൾവർത്ത്സ് (ചില SA/NT സ്റ്റോറുകൾ ഒഴികെ), കെ-മാർട്ട്, ടാർഗെറ്റ്, ബിഗ് ഡബ്ല്യു, ബണ്ണിംഗ്സ്, മദ്യശാലകൾ എന്നിവ തുറന്നുപ്രവർത്തിക്കും.
-
ന്യൂ ഇയർ ഈവ് (ഡിസംബർ 31): കോൾസ്, വൂൾവർത്ത്സ്, വെസ്റ്റ്ഫീൽഡ്, മറ്റ് പ്രധാന ഡിപ്പാർട്ട്‌മെന്റ് സ്റ്റോറുകൾ എന്നിവ തുറക്കും. ആൽഡി കുറഞ്ഞ സമയം മാത്രമേ പ്രവർത്തിക്കൂ.
-
ന്യൂ ഇയർ ദിനം (ജനുവരി 1): സൗത്ത് ഓസ്‌ട്രേലിയയിലെ മെട്രോ സ്റ്റോറുകൾ ഒഴികെയുള്ള കോൾസ് സ്റ്റോറുകൾ തുറക്കും. വൂൾവർത്ത്സ്, മദ്യശാലകൾ, കെ-മാർട്ട്, ടാർഗെറ്റ് എന്നിവയും പ്രവർത്തിക്കും. വെസ്റ്റ്ഫീൽഡ് സെന്ററുകളിൽ പലതും (പ്രത്യേകിച്ച് SA, NSW എന്നിവിടങ്ങളിൽ) അടഞ്ഞുകിടക്കാൻ സാധ്യതയുണ്ട്.
